მოვაჭრის დასახელება: შპს ემქეი ბიუთი დისტრიბუშენ
საიდენტიფიკაციო კოდი: 400449065
იურიდიული მისამართი: საქართველო, თბილისი, რაიონი გლდანი, გლდანის დასახლება, კოტე მარჯანიშვილის ქ. N8
ელ-ფოსტა: heancosmeticsgeo@gmail.com
ტელეფონის ნომერი: +995 598 972 198
ზოგადი დებულებები
შპს ემქეი ბიუთი დისტრიბუშენ (შემდგომში — „მოვაჭრე”) ახორციელებს სილამაზისა და პირადი მოვლის (კოსმეტიკური) პროდუქციის წარმოებასა და რეალიზაციას. წინამდებარე წესები და პირობები არეგულირებს მოვაჭრესა და მომხმარებელს შორის ურთიერთობას პროდუქციის დისტანციურად ან სარეწის გარეთ შეძენისას.
მოვაჭრის ვალდებულებები
მოვაჭრე ვალდებულია მომხმარებელს გადასცეს ხელშეკრულებით გათვალისწინებული პირობების შესაბამისი საქონელი.
საქონელი ხელშეკრულებით გათვალისწინებული პირობების შესაბამის საქონლად მიიჩნევა, თუ იგი შეესაბამება მოვაჭრის მიერ მომხმარებლისთვის მიწოდებულ აღწერას (მათ შორის, პროდუქტის შემადგენლობის, მოცულობის, დანიშნულებისა და გამოყენების წესის შესახებ ინფორმაციას) და მას აქვს იგივე თვისებები, რომლებიც მოვაჭრის მიერ მომხმარებლისთვის წარდგენილ საქონლის ნიმუშს ჰქონდა.
მოვაჭრის მიერ მომხმარებლისთვის მიწოდებული აღწერის არარსებობის შემთხვევაში საქონელი ხელშეკრულებით გათვალისწინებული პირობების შესაბამის საქონლად მიიჩნევა, თუ იგი გამოსადეგია იმ მიზნისთვის, რომლის თაობაზედაც მომხმარებელმა მოვაჭრეს ხელშეკრულების დადების დროს აცნობა და რომელსაც მოვაჭრე დაეთანხმა.
მოვაჭრე ვალდებულია მომხმარებელს მიაწოდოს კოსმეტიკური პროდუქცია, რომელიც აკმაყოფილებს საქართველოს კანონმდებლობით დადგენილ უსაფრთხოების მოთხოვნებს და რომელსაც აქვს შესაბამისი მარკირება (შემადგენლობა, ვარგისიანობის ვადა, გამოყენების წესი).
კანონისმიერი გარანტია
თუ საქონელი ნაკლის მქონე აღმოჩნდა, მომხმარებელს უფლება აქვს, მოვაჭრეს მოსთხოვოს ნაკლის აღმოფხვრა, საქონლის უსასყიდლოდ შეკეთება ან შეცვლა, ფასის შემცირება ან გავიდეს ხელშეკრულებიდან.
საქონლის შეკეთება და შეცვლა მომხმარებლის პირველი რიგის უფლებებია. მომხმარებელს უფლება აქვს, მოვაჭრეს მოსთხოვოს საქონლის უსასყიდლოდ შეკეთება ან შეცვლა, გარდა იმ შემთხვევისა, როდესაც ეს, საქონლის ბუნებიდან გამომდინარე, შეუძლებელია ან არათანაზომიერ ან შეუსაბამოდ დიდ ხარჯს მოითხოვს. კოსმეტიკური პროდუქციის ბუნებიდან გამომდინარე, ნაკლის მქონე პროდუქტის შემთხვევაში, როგორც წესი, გამოიყენება პროდუქტის შეცვლა ახლით.
საქონელი შეცვლილი უნდა იქნეს გონივრულ ვადაში — ნაკლის აღმოჩენიდან არაუგვიანეს 10 კალენდარული დღის ვადაში, ხოლო შეკეთება (თუ ეს პროდუქტის ბუნებიდან გამომდინარე შესაძლებელია) — ნაკლის აღმოჩენიდან არაუგვიანეს 30 კალენდარული დღის ვადაში, ისე, რომ მომხმარებელს არ შეექმნას მნიშვნელოვანი შეფერხება საქონლის ბუნებისა და იმ მიზნის გათვალისწინებით, რომლისთვისაც მან ეს საქონელი შეიძინა.
საქონლის უსასყიდლოდ შეკეთება ან შეცვლა გულისხმობს მოვაჭრის მიერ ყველა ხარჯის, მათ შორის, ფოსტის, სამუშაო ძალისა და მასალების ხარჯების გაწევას, რომლებიც საჭიროა საქონლის ხელშეკრულებით გათვალისწინებულ პირობებთან შესაბამისობის უზრუნველსაყოფად.
მომხმარებელს უფლება აქვს, მოითხოვოს საქონლის ფასის შემცირება ან უარი თქვას ხელშეკრულებაზე, თუ არსებობს ერთ-ერთი შემდეგი პირობა:
საქონლის შეკეთება ან შეცვლა შეუძლებელია;
მოვაჭრემ საქონელი გონივრულ ვადაში არ შეაკეთა ან არ შეცვალა და მომხმარებელმა ხელშეკრულების შესრულებისადმი ინტერესი დაკარგა;
მოვაჭრის მიერ საქონლის შეკეთება ან შეცვლა მომხმარებელს მნიშვნელოვან შეფერხებას შეუქმნის.
მომხმარებელს უფლება აქვს, ხელშეკრულებიდან გასვლის შემთხვევაში მოითხოვოს ხელშეკრულების შეუსრულებლობით მიყენებული ზიანის ანაზღაურება საქართველოს კანონმდებლობით დადგენილი წესით.
მომხმარებელს არ აქვს უფლება, უარი თქვას ხელშეკრულებაზე, თუ საქონლის ნაკლი უმნიშვნელოა.
მომხმარებელს უფლება აქვს, ისარგებლოს ზემოხსენებული უფლებებით, თუ საქონლის ნაკლი საქონლის მისთვის გადაცემიდან 2 წლის განმავლობაში აღმოჩნდა. კოსმეტიკური პროდუქციის შემთხვევაში გასათვალისწინებელია პროდუქტზე მითითებული ვარგისიანობის ვადა და გახსნის შემდეგ გამოყენების ვადა (PAO).
თუ მომხმარებელმა საქონლის ნაკლი საქონლის მფლობელობაში მიღებიდან 6 თვის განმავლობაში აღმოაჩინა, საწინააღმდეგოს დამტკიცებამდე იგულისხმება, რომ ნაკლი არსებობდა საქონლის მიწოდებისას, თუ საქონლის ბუნებიდან ან ნაკლის ხასიათიდან გამომდინარე, ეს შესაძლებელია. ამ შემთხვევაში მტკიცების ტვირთი მოვაჭრეს ეკისრება. თუ მომხმარებელმა საქონლის ნაკლი საქონლის მფლობელობაში მიღებიდან 6 თვის შემდეგ აღმოაჩინა, იმის მტკიცების ტვირთი, რომ ნაკლი არსებობდა საქონლის მიწოდებისას, მომხმარებელს ეკისრება.
შეკვეთის მიღება
მომხმარებელს ნივთის შეძენა შეუძლია თანხის გადარიცხვით საბანკო ანგარიშზე. ასევე, შესაძლებელია ნივთის ღირებულების კურიერთან ნაღდი ანგარიშსწორების გზით გადახდა.
შეკვეთის განთავსების შემდეგ მომხმარებელი მიიღებს შეკვეთის დასტურს ელ-ფოსტის მისამართზე.
შეკვეთა დასრულებულად ითვლება ნივთის მომხმარებლისთვის ჩაბარებისთანავე.
მომხმარებლისთვის ნივთის მიწოდების შეუძლებლობის შემთხვევაში შეკვეთა გაუქმდება და კლიენტს დაუბრუნდება მის მიერ გადახდილი თანხა.
მომხმარებელი ვალდებულია, შეკვეთის მიღებისას მოახდინოს მისი შემოწმება და ხელმოწერით დაადასტუროს, რომ ნივთს არ აქვს ვიზუალური ნაკლი (მათ შორის, დაზიანებული შეფუთვა ან დარღვეული ჰერმეტულობა).
მოვაჭრე ვალდებულია მოთხოვნის შემთხვევაში გადასცეს დამკვეთს შეკვეთასთან დაკავშირებული ყველა საბუთი.
მიწოდების პირობები
საკურიერო მომსახურება მოქმედებს მთელი საქართველოს მასშტაბით.
მიწოდების ვადები:
თბილისში — შეკვეთის განთავსებიდან 1–3 სამუშაო დღე.
რეგიონებში — შეკვეთის განთავსებიდან 4–5 სამუშაო დღე.
მიწოდების ღირებულება:
თბილისი და შემოგარენი — 6 ლარი.
რეგიონები — 10 ლარი.
150 ლარის და მეტი ღირებულების შენაძენზე მიწოდება უფასოა.
უპირობოდ დაბრუნების პოლიტიკა
მომხმარებელს უფლება აქვს, ყოველგვარი საფუძვლის მითითების გარეშე თქვას უარი დისტანციურ ხელშეკრულებაზე ან/და სარეწის გარეთ დადებულ ხელშეკრულებაზე 14 კალენდარული დღის განმავლობაში.
ეს ვადა აითვლება:
მომსახურების ხელშეკრულების შემთხვევაში − ხელშეკრულების დადებიდან;
საქონლის ნასყიდობის ხელშეკრულების შემთხვევაში − მომხმარებლის ან მის მიერ განსაზღვრული მესამე პირის მიერ, გარდა გადამზიდავისა, საქონლის მფლობელობაში მიღებიდან;
მომხმარებლის მიერ საქონლის ნაწილ-ნაწილ შეკვეთის შემთხვევაში − ბოლო ნივთის მფლობელობაში მიღებიდან;
საქონლის რეგულარულად მიწოდების ხელშეკრულების შემთხვევაში − ნივთის მფლობელობაში პირველად მიღებიდან.
დაბრუნების პირობები
ნივთის უპირობოდ დაბრუნების მოთხოვნის სარგებლობისთვის მომხმარებელი ვალდებულია დაგვიკავშირდეს ელ-ფოსტის ან ტელეფონის საშუალებით.
ხელშეკრულებაზე უარის თქმის შემთხვევაში მომხმარებელი ვალდებულია:
მოვაჭრეს ან მის მიერ განსაზღვრულ მესამე პირს დაუბრუნოს საქონელი ხელშეკრულებაზე უარის თქმის შესახებ შეტყობინების გაგზავნის შემდეგ დაუყოვნებლივ, მაგრამ არაუგვიანეს 7 კალენდარული დღისა;
გასწიოს საქონლის დაბრუნებასთან დაკავშირებული პირდაპირი ხარჯი.
იმ შემთხვევაში, თუ ნივთის მახასიათებლები არ შეესაბამება მითითებულ მონაცემებს, ნივთს გააჩნია თავდაპირველი ნაკლი ან ნივთი დაზიანებულია ტრანსპორტირების შედეგად, პროდუქციის უკან დაბრუნებას უზრუნველყოფს მოვაჭრე თავისი რესურსით.
მომხმარებელი ვალდებულია სრულად დააბრუნოს ნივთი ყველა თანდართულ დოკუმენტთან ერთად, დაუზიანებელი ქარხნული შეფუთვით.
მოვაჭრე ვალდებულია ნივთის უკან დაბრუნების შეტყობინების მიღებიდან 14 კალენდარული დღის განმავლობაში უკან დაუბრუნოს მომხმარებელს მის მიერ გადახდილი თანხა. მოვაჭრეს უფლება აქვს, უარი თქვას თანხის დაბრუნებაზე მანამ, სანამ საქონელს არ დაიბრუნებს ან მომხმარებლისგან არ მიიღებს საქონლის გაგზავნის დამადასტურებელ დოკუმენტს.
თანხის ანაზღაურება მოხდება გადახდის იმავე საშუალებებით, რომლებიც მომხმარებელმა გამოიყენა, გარდა იმ შემთხვევისა, როდესაც მომხმარებელი გადახდის სხვა საშუალების გამოყენებაზე თანხმობას განაცხადებს.
მომხმარებლის მიერ დისტანციურ ხელშეკრულებაზე უარის თქმა ავტომატურად იწვევს დაკავშირებული ხელშეკრულებიდან მის გასვლას და პირვანდელი მდგომარეობის აღდგენას.
ხელშეკრულებაზე უარის თქმის შედეგად ქარწყლდება მხარეების მიერ დისტანციური ხელშეკრულებით ნაკისრი ვალდებულებები, ხოლო ის, რაც მხარეებმა მისი შესრულებით მიიღეს, მათ უბრუნდებათ.
გამონაკლისები:
მომხმარებელს არ აქვს უფლება, უარი თქვას იმ საქონელზე ან მომსახურებაზე, რომლის ფასი 30 ლარს არ აღემატება.
ჰიგიენური და ჯანმრთელობის დაცვის მოსაზრებებიდან გამომდინარე, მომხმარებელს არ აქვს უფლება, უარი თქვას ხელშეკრულებაზე იმ კოსმეტიკურ პროდუქციაზე, რომლის დამცავი (ჰერმეტული) შეფუთვა მიწოდების შემდეგ გაიხსნა ან დაზიანდა, ან რომელიც გამოყენებულია, გარდა იმ შემთხვევისა, როდესაც პროდუქტს აქვს თავდაპირველი ნაკლი.
ფორს-მაჟორი
არც ერთი მხარე არ აგებს პასუხს ნაკისრი ვალდებულების მთლიანად ან ნაწილობრივ შეუსრულებლობისთვის, თუ შეუსრულებლობა გამოწვეულია სტიქიური და ტექნოლოგიური კატასტროფებით, ხანძრით, საომარი მოქმედებით, სამთავრობო გადაწყვეტილებებით და ეს მოვლენები დაიწყო ან განვითარდა შეკვეთის შეძენის შემდეგ.
თუ ჩამოთვლილი გარემოებებიდან რომელიმე მოქმედებს მხარის მიერ ნაკისრი ვალდებულებების შესრულების ვადაზე, ეს ვადა გაგრძელდება დაუძლეველი ძალის გარემოების მოქმედების ხანგრძლივობის შესაბამისად.
მხარე, რომელსაც წამოეჭრა დაუძლეველი ძალის გარემოება, ვალდებულია ასეთი გარემოების, მისი შესაძლო ხანგრძლივობისა და შეწყვეტის შესახებ შეატყობინოს მეორე მხარეს. შეტყობინებაში ასახული ფაქტები დადასტურებული უნდა იყოს შესაბამისი კომპეტენტური ორგანოს მიერ.
არშეტყობინება ან დაგვიანებით შეტყობინება უფლებას ართმევს მხარეს, გამოიყენოს დაუძლეველი ძალის მოვლენები პასუხისმგებლობისგან განთავისუფლების საფუძვლად.